Depatman Resous Natirèl ak Kontwòl Anviwònman (DNREC), Divizyon Dechè ak Sibstans Danjere, pral òganize yon odyans piblik jedi 14 janvye 2027, apati 6:00 p.m., pou resevwa kòmantè piblik la konsènan “7 DE Admin. Code 1376” – Règleman ki Gouvène Tablo Nivo Depistaj ak Rapò pou Sibstans Danjere (Dosye # 2024-R-WH-0006).

Objektif règleman sa a se pou etabli ofisyèlman tablo nivo depistaj ak rapò yo—ki baze sou direktiv ki egziste deja—pou aplike egzijans ki nan “7 Del.C. Ch. 91”.

Pou plis enfòmasyon sou odyans lan, vizite de.gov/dnrechearings. Pou wè pwopozisyon règleman an, vizite regulations.delaware.gov/services/current_issue.shtml apati 1ye desanm 2026. Si w gen kesyon, oswa si w ta renmen wè pwopozisyon règleman an an pèsòn (sou randevou sèlman), kontakte Eileen Butler nan Divizyon Dechè ak Sibstans Danjere, 391 Lukens Drive, New Castle, DE 19720; rele (302) 395-2500; oswa voye yon imèl bay Eileen.Butler@delaware.gov.

Ou ka jwenn lyen entènèt pou odyans vityèl la sou sitwèb DNREC pou Odyans Piblik yo: de.gov/dnrechearings. Si sistèm nan mande yon modpas, tanpri itilize: 889304. Pou koute odyans vityèl la (san videyo), rele 1-646-931-3860 epi antre ID Reyinyon an (Meeting ID): 858 6879 8474. Èd lengwistik disponib sou demann, si w fè demann lan nan yon delè 10 jou anvan odyans lan. Gen opsyon sou-tit (closed captioning) ki disponib atravè platfòm reyinyon vityèl Zoom nan.

Moun ki vle fè kòmantè oral pandan odyans piblik DNREC yo dwe enskri davans, pa pita pase midi nan jou odyans vityèl la, sou sitwèb dnrec.alpha.delaware.gov/public-hearings/comments/registration/ oswa lè yo kontakte Biwo Sèvis Administratif yo (Office of Administrative Services) nan telefòn nan 302-739-9034.

Depatman an ap aksepte kòmantè piblik jiska lè travay fini nan Vandredi 29 janvye 2027. Yo pral aksepte kòmantè alekri pa imèl nan adrès DNRECHearingComments@delaware.gov, oswa lè w itilize fòm sou entènèt ki disponib nan de.gov/dnreccomments, oswa pa lapòs (U.S. mail) nan adrès sa a:

Theresa Smith, Ofisye Odyans (Hearing Officer)
DNREC – Biwo Sekretè a (Office of the Secretary)
89 Kings Highway, Dover, DE 19901

Related Topics:  hazardous substances, kreyol, permitting and regulation, public hearing, public notice, screening and reporting level values, Tablo Nivo Depistaj ak Rapò, waste and hazardous substances