Annakò ak kòd 29 Delaware, seksyon 10407, Depatman Resous Natirèl ak Kontwòl Anviwònman nan Delaware (Delaware Department of Natural Resources and Environmental Control, DNREC) pral reyalize yon evalyasyon regleman ajans la ki pa t modifye nan dènye kat lane yo. Pou w wè yon lis regleman yo ki sijè a evalyasyon sa a, vizite sitwèb DNREC a nan dnrec.delaware.gov/regulatory-review/.  

DNREC ap chache kòmantè piblik pou konnen si wi oubyen non regleman ki sijè a evalyasyon sa a ta dwe modifye oubyen posibleman elimine.

Twa odyans piblik anpèsòn (chak nan yo ap dire omwen yon 30 minit) pral reyalize pou resevwa kòmantè vèbal nan men piblik la:

• Madi 24 Jen, apati 10 a.m. nan Conference Room (Sal Konferans) nan DNREC Lewes Field Office, 901 Pilottown Road, Lewes, DE 19958
• Mèkredi 25 Jen 2025, apati 10 a.m. nan Conference Room B (Sal Konferans B) nan DNREC Lukens Drive Field Office, 391 Lukens Drive, New Castle, DE 19720
• Jedi 26 Jen, 2025, apati 2 p.m. nan DNREC Auditorium (Oditoryòm DNREC), 89 Kings Highway SW, Dover, DE 19901

Pou plis enfòmasyon sou odyans sa yo, tanpri vizite de.gov/dnrechearings.

DNREC pral aksepte kòmantè piblik jiska 11 Jiyè, 2025. Kòmantè alekri ta dwe pi espesifik posib, sa enkli yon referans a regleman patikilye, epi yo ka soumèt yo nan youn nan twa fason sa yo:

• Itilize fòmilè kòmantè anliy la (yo ka soumèt kòmantè nan fason anonim) nan dnrec.delaware.gov/regulatory-review/.
• Atravè imel nan DNRECHearingComments@delaware.gov.
• Atravè Lapòs Ameriken nan adrès swivan an:

DNREC – Office of the Secretary
Attn: DNREC Hearing Officer
89 Kings Highway, Dover, DE 19901

Related Topics:  kreyol, office of the secretary, permitting and regulation, public hearing, public notice, regulatory review, revizyon nan règleman