Avi sa a anonse ke Rapò Pwovizwa 2024 Depatman Resous Natirèl ak Kontwòl Anviwònman Delaware la disponib kounye a. Rapò sa a gen ladan Evalyasyon Basen Vèsan yo (305(b)) ak yon Lis Dlo ki Bezwen Kantite Maksimòm Polisyon Pa Jou (Total Maximum Daily Load, TMDL) yo selon Seksyon 303(d) Lwa sou Dlo Pwòp la (yo rele sa tou Rapò Entegre a). Piblik la gen chans pou bay kòmantè sou rapò sa a. Dokiman Gid Ajans pou Pwoteksyon Anviwònman (Environmental Protection Agency, EPA) a sou Rapò Entegre yo disponib sou entènèt nan sit EPA a www.epa.gov/tmdl/identifying-and-listing-impaired-waters-under-clean-water-act.

Rapò Pwovizwa Entegre a ak ansyen Rapò Entegre yo disponib sou sit entènèt Depatman an dnrec.alpha.delaware.gov/watershed-stewardship/assessment/reports/.

Y ap konsidere tout kòmantè sou Rapò Pwovizwa Entegre a yo resevwa anvan oswa nan dat 11 desanm 2024 la pou mete nan Rapò Entegre final la. Ou ka voye kòmantè yo bay Doktè Bhanu Paudel pa lapòs nan adrès sa a DNREC/Division of Watershed Stewardship, Watershed Assessment and Management Section, 285 Beiser Blvd., Suite 102, Dover, DE 19904 oswa pa imèl nan SurfaceWQS@delaware.gov. Yo pito resevwa kòmantè yo pa imèl.

Pou plis enfòmasyon, tanpri kontakte Doktè Paudel, Syantis Anviwònman V, nan (302) 739- 9939 oswa pa imèl nan bhanu.paudel@delaware.gov.

Related Topics:  clean water act, EPA, kreyol, public comments, public notice, Rapò Entegre A, TMDL, watershed assessment, watershed stewardship