Seksyon Zòn Marekaj ak Chèn Dlo nan Depatman Resous Natirèl ak Kontwòl Anviwònman  (Department of Natural Resources and Environmental Control, DNREC) Delaware a pwopoze mete sou pye Pèmi Jeneral Nimewo 1 – Anbakasyon Flotan oswa Elevatè Bato sou Tè Prive oswa Piblik ki Anba Dlo.

Pèmi Jeneral sa a ta otorize enstalasyon elevatè bato ki gen jiska sis (6) poto sipò ki mache ak yo, oswa anbakasyon flotan pou dlo pèsonèl ( personal watercraft PWC), ki sitiye nan dlo mare nan Eta Delaware, swa sou tè anba dlo prive oswa piblik, depi tout kritè kalifikasyon, kondisyon, ak tout egzijans regilasyon ki aplikab yo respekte.

Objektif Pèmi Jeneral sa a se fasilite ak akselere pwosesis otorizasyon pou ti estrikti lwazi ki depann de dlo, ki pa komèsyal, yo prevwa ap gen ti enpak sou anviwònman an ni endividyèlman ni kolektivman, pandan y ap kontinye respekte tout lwa ak règ leta ki aplikab DNREC administre.

Tout aktivite Pèmi Jeneral sa a otorize ap toujou rete anba obligasyon pou respekte tout egzijans revizyon anviwònman ki aplikab yo, ansanm ak nenpòt lòt apwobasyon, kontra lokasyon, oswa otorizasyon siplemantè DNREC oswa lòt ajans lokal, leta, oswa federal ta ka mande.

Aplikasyon ak plan pou Avi Piblik yo poste sou: dnrec.delaware.gov/dnrec-public-notices.

Pou kesyon konsènan aplikasyon ak plan yo, tanpri, kontakte:

Yo P AP fè yon odyans piblik pou aplikasyon ki pi wo a sof si Sekretè DNREC la deside yon odyans piblik ap nan avantaj piblik la oswa si yo resevwa yon objeksyon ki solid pou aplikasyon an nan espas 20 jou apre avi sa a. Yon odyans piblik ap solid si l montre li asosye ak aplikasyon an e li bay yon deklarasyon ki bay detay sou enpak aksyon an ka genyen. 

Tanpri, voye tout kòmantè ak/oswa demann solid pou yon odyans piblik nan adrès imel la Wetlands_LegalNotice@Delaware.gov.

Related Topics:  boat lifts, docks, kreyol, pèmi jeneral, permitting and regulation, public notice, water, wetlands