Depatman Resous Natirèl ak Kontwòl Anviwònmantal nan Delaware (Department of Natural Resources and Environmental Control, DNREC) pran oserye responsablite li yo nan kad Tit VI nan Lwa Dwa Sivil ane 1964 – yon lwa istorik ki entèdi diskriminasyon sou baz ras, koulè, oubyen orijin nasyonal – ak lòt lejislasyon federal ki asire egalite ak jistis nan pwogram ak aktivite ki resevwa asistans finansye federal.

Kisa Tit VI an ye?

Tit VI nan Lwa Dwa Sivil la nan ane 1964 (42 U.S.C. Seksyon 2000d) deklare “okenn moun nan Etazini pa pral, sou baz ras, koulè, oubyen orijin nasyonal, ekskli nan patipasyon, oubyen refize benefis nan, oubyen sijè a diskriminasyon nan kad kèlkeswa pwogram oubyen aktivite k ap resevwa asistans finansye federal.”

Lwa Restorasyon Dwa Sivil nan ane 1987 la (Pub. L. 100-259) te ogmante definisyon an pou “pwogram ak aktivite” pou enkli tout pwogram ak aktivite pou benefisyè, sou-benefisyè ak founisè, menm si pwogram ak aktivite sa yo resevwa asistans federal ou non.  

Kòm yon benefisyè finansman federal, Depatman Resous Natirèl ak Kontwòl Anviwonman (DNREC) nan obligasyon pou l respekte règ, lwa, ak reglemana ki nan Tiv VI lan.

Anplis, Tit VI aplike a benefisyè asistans finansye federal ki pase atravè DNREC nan fòm sibvansyon, kontra, oubyen soutretans, menm jan ak asistans finansye federal ki pase atravè lòt ajans Eta a pou ale nan DNREC. 

Politik Dwa Sivil nan DNREC

Eleman swivan yo se politik DNREC: Okenn moun pa dwe, sou baz ras, koulè, orijin nasyonal, sèks, laj oubyen andikap soufri ekskilizyon nan patipasyon nan, oubyen refize benefis nan, oubyen sijè a diskriminasyon nan kad nenpòt pwogram oubyen aktivite k ap resevwa asistans finansye federal, jan sa eksplike nan kad Tit VI nan Lwa Dwa Sivil 1964 la, Lwa Restorasyon Dwa Sivil 1987 la, Lwa Reyabilitsyon 1973 la, ak tout lòt lwa ak ekzijans ki lye ak non-diskriminasyon. 

Tit VI ekzije pou DNREC pran aksyon espesifik pou asire obeyisans ak lwa federal ki enkli asire tout founisè, soutretan, sou-benefisyè ki resevwa kontra ak sibvansyon ki finanse pa DNREC respekte Tit VI ak tout lòt lwa, regleman, ak règ ki asosye ak li.

Tit VI mande tou pou DNREC founi asistans lang gratis pou moun ki pale anglè limite (LEP) 

Sèvis Asistans Lang

Depatman Resous Natirèl ak Kontwòl Anviwònmantal nan Delaware (Delaware Department of Natural Resources and Environmental Control, DNREC) ofri sèvis entèpretasyon gratis, lè yo mande sa, pou ede asire patisipasyon konplè tout kominote yo. Sèvis entèpretasyon DNREC yo vize pou ede moun ki gen kapasite lang anglè ki limite.

Depatman an ka ofri:

• Entèpretasyon oral pou dokiman
• Entèpretasyon andirèk pou rankont ak evennman
• Enfòmasyon sou pwogram DNREC nan fòma altènatif oubyen nan lang ki pa anglè

Pou w mande èd, tanpri soumèt yon demann pandan w ap itilize fòmilè demann sèvis entèpretasyon, oubyen kontakte nou nan DNREC_EJ@delaware.gov.

Tanpri sonje, nan kèk ka, depatman an pral bezwen yon notifikasyon davans. Sa aplike nan ka kote gen delè oubyen kèk dat espesifik enplike.

Pou entèpretasyon pou aplikasyon pèmi, regleman pwopoze oubyen lòt sijè ou vle fè kòmantè sou yo, tanpri fè demann ou an omwen dis (10) jou ouvrab anvan dat limit kòmantè yo.

Pou entèpretasyon andirèk aloral nan odyans, rankont, oubyen evennman piblik DNREC, tanpri plase demann ou an pa pi ta pase dis (10) jou ouvrab anvan dat evennman an.

Angajman DNREC pou Aksè pou Andikap

Seksyon 504 nan Lwa Reyabilitasyon nan ane 1973 ofri ke nenpòt endividi ki otreman kalifye ak yon andikap, sèlman akoz andikap li an, pa pral ekskli nan patisipasyon nan, refize avantaj nan, oubyen sijè a diskriminasyon anba nenpòt pwogram oubyen aktivite k ap resevwa asistans finansye federal. 

DNREC ofri modifikasyon rezonab ak ekipman oksilyè pou moun ki gen andikap, gratis. 

Anliy

Sitwèb DNREC a kreye pou l plis aksesib posib, pandan yo pran swen pou evite baryè ki anpeche entèaksyon oubyen aksè ak sitwèb pou moun ki gen andikap. Tout paj yo enkli yon bouton “tande” ki ofri aksè rapid a lekti odyo paj la. Zouti “tande” a enkli tou kontwòl gwosè tèks ak kapasite pou itilize yon mask paj pou ede konsantre sou pati espesifik nan paj la separeman. 

Paj wèb DNREC yo kreye pou fasilite konpreyansyon ak lekti fasil paske yo separe gwo blòk tèks an pati eleman ki pi piti epi ajoute espas vid pou fasilite lekti sou ekran. Imaj sou paj DNREC yo gen tèks tit, oubyen tèks altènatif, ki dekri kontni imaj yo nan fason ki fonksyone byen ak lektè ekran pou moun ki gen pwoblèm vizyèl. 

Enstalasyon 

DNREC priyorize konfòmite ADA epi reyalize envestisman anyèl nan enfrastrikti esansyèl pou amelyore enstalasyon nou yo pou aksè piblik.

Amizman 

Divizyon Pak ak Divètisman DNREC gen objektif pou l fasilite opòtinite pou moun ak tout kapasite pou jwi resous natirèl ak kiltirèl nan Pak Eta Delaware yo. Konsèy Aksesiblite Achitekti analize tout pwojè kapital epi divizyon an ap aprann kontinyèlman nan men kominote an sou kijan pou fè amelyorasyon adisyonèl. Pwojè yo satisfè estanda Lwa pou Ameriken ki Gen Andikap la.

Adisyonèlman, Plan Estratejik divizyon an genyen adisyon 75 nouvo amenajman aksesib yo pral mete an plas atravè ane 2026. Mizajou sa yo enkli tapi mobilite, chèz woulant plaj, ranp lansman kayak adaptif, chemen pave, estann lachas aksesib, teren kanpin ki konsevwa espesifikman pou endividi ki sou chèz woulant ak plis bagay toujou. 

Aksè a Lapèch ak Rejyon Lavi Sovaj 

Ak itilizasyon Fon Restorasyon Federal pou Lapèch Espòtif atravè Sèvis Ameriken pou Lapèch ak Lavi Sovaj, Divizyon Lapèch ak Lavi Sovaj te konplete pwojè pou amelyore enstalasyon ekzistan, ansanm ak konstwi nouvo ranp bato.

Pou sila yo ki renmen gade lavi sovaj, gen nouvo tou obsèvasyon ki apèn renove alafwa nan Rejyon Lavi Sovaj nan Augustine ak Little Creek. 

Depoze yon Doleyans Tit V ak DNREC

DNREC te etabli yon pwosedi pou asire rezolisyon rapid ak jis pou plent kont diskriminasyon. Yo ka rezoud yo nan fason enfòmèl, atravè antant ant pati yo, oubyen fòmèlman, atravè plent alekri, ankèt ak desizyon depatman an.

Yon endividi oubyen reprezantan li ka depoze doleyans. Yo dwe depoze yo pa pi ta pase swasant (60) jou apre dat diskriminasyon prezime a, sofsi DNREC te akòde yon pwolongasyon. Fòmilè Doleyans Dwa Sivil DNREC a ka soumèt pa faks, imel, oubyen kourye lapòs.

Pwosedi a konfòme a lwa federal (40 C.F.R Pati 5 ak 7) epi direktiv Ajans Pwoteksyon Anviwònmantal Etazini.

 Pwosedi doleyans lan kouvri tout plent ki prezime diskriminasyon, ki pa lye ak anplwa, ki baze sou ras, koulè, orijin nasyonal (sa enkli kapasite anglè limite), sèks, laj, andikap oubyen reprezay paske yo ekzèse dwa yo nan kad lwa ak regleman aplikab pou non-diskriminasyon nan vyolasyon Tit VI nan Lwa Dwa Sivil 1964 la, Lwa Restorasyon Dwa Sivil 1987 la, Lwa Ameriken ak Andikap 1990 la, Lwa Reyabilitasyon 1973 la, jan sa modifye, ak lòt estati ak regleman dwa sivil onivo federal ak eta.

Depatman an kenbe yon rejis piblik pou doleyans ki soumèt yo.

Depoze Yon Plent Tit VI ak EPA ETAZINI

Nenpòt moun ki kwè ke yon antite ki resevwa asistans federal nan men EPA te fè diskriminasyon kont yon moun sou baz ras, koulè, orijin nasyonal, (sa enkli paske li pa pale anglè byen), sèks, andikap oubyen laj; oubyen te angaje nan entimidasyon oubyen vanjans ki entèdi pa regleman non-diskriminasyon EPA a, ka depoze yon plent. Moun lan oubyen òganizasyon an k ap depoze plent lan pa oblije se li ki te viktim diskriminasyon sipoze a men li ka pote plent nan non yon lòt moun oubyen gwoup.

Ki enfòmasyon ou dwe mete nan yon plent? 

Plent lan dwe reyalize alekri, dwe klèman idantifye kiyès ekspeditè a, sa enkli siyati li, epi dwe prezante enfòmasyon kontak ekspeditè a bay EPA. Nou sijere tou pou w mete yon nimewo telefòn ak/oubyen yon adrès imel pou nou kontakte w. 

Plent lan dwe idantifye òganizasyon ki aparaman te komèt diskriminasyon an. Tanpri sonje EPA ka sèlman ankete plent ki depoze kont òganizasyon ki resevwa asistans federal nan men EPA. 

Plent lan dwe deklare yon diskriminasyon ki entèdi atravè youn nan lwa EPA aplike yo. Dekri ak tout detay posib poukisa ou santi òganizasyon an te komèt diskriminasyon kont ou menm oubyen lòt moun sou baz ras, koulè, oubyen orijin nasyonal (sa enkli moun ki pa pale anglè byen); sèks, andikap, oubyen laj, oubyen angaje nan entimidasyon oubyen vanjans ki entèdi pa regleman non-diskriminasyon EPA an. 

Yo dwe depoze plent lan nan 180 jou sivil apati dat kote dènye aksyon diskriminasyon alege a te rive a. EPA ka konsidere pwolonje peryòd 180 jou pou depoze, pou bon rezon ki pwouve, nan kèk sikonstans. 

Ki kote pou m voye plent mwen an? 

Voye enfòmasyon plent lan bay: 

U.S. Environmental Protection Agency
Office of External Civil Rights
Mail code 2310A
1200 Pennsylvania Avenue, NW
Washington, D.C. 20460
Imel: Title_VI_Complaints@epa.gov
Faks: (202) 564-3316 

Related Topics:  civil rights, environmental justice, equal rights, federal, Tit VI, title vi